Azərbaycan millisi Avropa çempionatının birinci pley-off mərhələsində!
Azərbaycan Futbolu
17-07-2024, 13:01
![](/uploads/posts/2024-07/1721205204_sdu.jpg)
Qadın futbolçulardan ibarət Azərbaycan yığması Avropa çempionatının birinci pley-off mərhələsinə vəsiqə qazanıb.
Pressing.az xəbər verir ki, bu barədə AFFA-nın saytı məlumat yayıb. Yer aldığı B Liqasının 1-ci qrupunda 4 xalla dördüncü yeri tutan millimiz final mərhələsində iştirak şansını davam etdirir. Komanda B Liqasının qruplarında ən yaxşı dördüncü yerin sahibi kimi bu hüquqa yiyələnib.
İyulun 19-da birinci pley-off mərhələsinin püşkatma mərasimi keçiriləcək. Azərbaycan milli komandasının rəqibi B Liqasında yoluna davam edən digər 11 iştirakçı arasında ən yüksək reytinqlilərdən biri olacaq.
Birinci pley-off mərhələsinin oyunları oktyabrın 23-də və 29-da keçiriləcək. 6 cütün qalibi ikinci pley-off mərhələsinə vəsiqə qazanacaq.
![](/templates/Red/images/erken-udus-768x90.png)