Futzal üzrə DÇ-2024-ün əsas mərhələsinin qrup oyunları sona çatıb.

Pressing.az xəbər verir ki, son matçların ardından elit-raunda birbaşa vəsiqə qazanan 16 komanda, eləcə də, əsas mərhələnin pley-off matçlarında iştirak edəcək 8 yığma məlum olub.

Öz qrupunda 9 xalla ikinci olan Azərbaycan millisi də elit-raundda iştirak edəcək.

Elit-raunda birbaşa yüksələn komandalar: Azərbaycan, Xorvatiya, Finlandiya, Fransa, Gürcüstan, İtaliya, Qazaxıstan, Polşa, Portuqaliya, Rumıniya, Serbiya, Slovakiya, Slovakiya, Ermənistan, İspaniya, Ukrayna.

Əsas mərhələnin pley-off mərhələsində iştirak edəcək komandalar: Belçika, Çexiya, Almaniya, Macarıstan, Litva, Moldova, İsveç, Niderland.

Elit-raundun püşkü iyulun 5-də atılacaq. Qrup oyunları isə dekabrın 20-dək bitəcək. Bu mərhələnin pley-off oyunlarının püşkü gələn il yanvarın 25-də, oyunları isə 8-17 apreldə keçiriləcək.

Elit-raundda ümumilikdə 20 komanda mübarizə aparacaq. Komandalar 5 qrupa bölünəcək və hər qrupda 4 iştirakçı olacaq. Qrup qalibləri final mərhələsinə birbaşa vəsiqə qazanacaq. 4 ən yaxşı qrup ikincisi isə pley-off oyununda qarşılaşacaq və onlardan ikisi həlledici mərhələdə (Avropa üzrə cəmi 7 komanda) iştirak edəcək.