Bu gün Azərbaycan Premyer Liqasında 29-cu tura yekun vurulub.
Pressing.az xəbər verir ki, son oyun günündə 2 görüş keçirilib.
Əvvəlcə 3-cü pillədəki "Zirə" autsayder "Qəbələ"ni qəbul edib. Görüş meydan sahiblərinin 4:0 hesablı qələbəsi ilə başa çatıb. Rəşad Sadıqovun komandası bu qələbə ilə 2-ci pilləyə yüksəlib.
Buna digər oyunun nəticəsi də təsir edib. Bu oyuna qədər 2-ci pillədə qərarlaşan "Neftçi" evdə "Sumqayıt"la qarşılaşıb. Matç 1:1 hesabı ilə başa çatıb.
7 aprel (bazar)
20:00. "Neftçi" – "Sumqayıt" - 1:1
Qol: Yuri Matias, 13-avtoqol (0:1), Emin Mahmudov, 73-pen. (1:1)
Hakimlər: Elçin Məsiyev, Elşad Abdullayev, Pərvin Talıbov, Rauf Cabarov
"Neftçi Arena"
16:30."Zirə" – "Qəbələ" - 4:0
Qol: Rəhim Sadıxov, 4, Rafael Utziq, 25, Ceyhun Nuriyev, 27, Fuad Bayramov, 57
Hakimlər: Rəvan Həmzəzadə, Eyyub İbrahimov, Teymur Teymurov, Cavid Cəlilov
Zirə İdman Kompleksinin stadionu