AFFA Premyer Liqa klublarının nünayəndələri üçün seminar təşkil edib

AFFA tərəfindən Bakı İqlim Həftəsi çərçivəsində Azərbaycan Premyer Liqası və 1-ci Liqa klublarının nümayəndələri üçün “Futbolda dayanıqlıq” mövzusunda seminar təşkil olunub.

Bu barədə Pressing.az-a qurumun mətbuat xidmətindən məlumat verilib.

Tədbirdə iqlim dəyişikliyi, ətraf mühitin qorunması, futbolun ekoloji təsiri və dayanıqlı gələcəyin formalaşdırılması mövzuları müzakirə olunub.

Seminar çərçivəsində mütəxəssislər bilik və təcrübələrini iştirakçılarla bölüşərək futbolda dayanıqlı yanaşmaların əhəmiyyətinə diqqət çəkiblər.