"Sumqayıt" və "Qəbələ"dən qələbə - YENİLƏNİB

Bu gün Azərbaycan Premyer Liqasında 34-cü tura yekun vurulub.

Pressing.az xəbər verir ki, son oyun günündə iki matç keçirilib.

Əvvəlcə mövsümü sonuncu pillədə başa vuracağı dəqiqləşən "Qəbələ" 4-cü yerdəki "Sabah"ı qəbul edib. Qonaqlar bu oyunda qələbə qazanmaqla 2-ci pilləyə yüksələ bilərdi. Matçın favoriti "Sabah" hesab olunsa da, "Qəbələ" 2:0 hesablı qələbə qazanıb. Bu, "Qəbələ"nin ardıcıl 2-ci qələbəsi olub. Kaxaber Sxadadzenin komandası ötən tur "Səbail"ə qalib gəlmişdi - 3:2.

Bu oyuna qədər 5-ci yerdə olan "Sumqayıt" isə avrokuboklara vəsiqə qazanmaq şansını itirən "Səbail"lə üz-üzə gəlib. Oyun "Sumqayıt"ın 2:1 hesablı qələbəsi ilə başa çatıb. Bu qələbə ilə xallarını 54-ə çatdıran Samir Abasovun komandası 2-ci pilləyə yüksəlib.

12 may (bazar)

19:30. “Sumqayıt” – “Səbail” - 2:1

Qollar: Kasimir Ninqa, 41-pen.(1:0), 45 (2:0), Aleksandr Ramalinqom, 90+4 (2:1)
Hakimlər: Rəvan Həmzəzadə, Kamran Bayramov, Şirmamed Mamedov, Kamal Umudlu
M.Hüseynzadə adına Sumqayıt şəhər stadionu

17:00. “Qəbələ” – “Sabah” - 2:0

Qollar: Əyyub Allaş, 33, Klesio Bauk, 45+2

Qırmızı vərəqə: Davit Volkov, 65 ("Sabah")
Hakimlər: Elçin Məsiyev, Elşad Abdullayev, Pərvin Talıbov, Rəşad Əhmədov
Qəbələ şəhər stadionu