Azərbaycan Premyer Liqasında 18-ci tur davam edir.

Pressing.az xəbər verir ki, 2-ci oyun günündə 2 qarşılaşma keçirilib. Əvvəlcə "Turan Tovuz" "Araz-Naxçıvan"ı qəbul edib. Matçın 81-ci dəqiqəsində güclü küləyin təsirindən işıq dirəyi aşdığı üçün görüş yarımçıq dayandırılıb.Peşəkar Futbol Liqası, hakimlər və klubların təcili iclasından sonra matçın 24 dekabr (sabah) saat 12:00-da dayandırıldığı dəqiqədən etibarən davam etdirilməsi qərara alınıb.

Saat 18:00-da isə "Sumqayıt" - "Səbail" görüşü başlayıb. Matç meydan sahiblərinin 1:0 hesablı qələbəsi ilə başa çatıb. Bu qələbə "Sumqayıt" turnir cədvəlində 3-cü pilləyə yüksəlib.

Qeyd edək ki, tura ötən gün start verilib. Son 2 görüş isə dekabrın 24-də keçiriləcək.

Azərbaycan Premyer Liqası, 18-ci tur

23 dekabr

16:00."Turan Tovuz" - "Araz-Naxçıvan" 2:1 (82-ci dəqiqədə yarımçıq dayandırılıb)

Qollar: Xəyal Nəcəfov, 7, Bruno Qonçalveş, 16, İsmail Azzaui, 58-pen.

Tovuz şəhər stadionu

18:30."Sumqayıt" - "Səbail" 1:0


Qol: Adi Mehremiç, 70-avtoqol
"Kapital Bank Arena"