"Turan Tovuz" Azərbaycan Premyer Liqasının 18-ci turunda "Araz-Naxçıvan"ı qəbul edib.

Pressing.az xəbər verir ki, matçın ikinci hissəsinin sonlarında Tovuz şəhər stadionunda təhlükəli anlar yaşanıb. Belə ki, arenadakı işıq dirəklərindən biri güclü külək səbəbindən aşıb. Digər işıq dirəkləri də aşma təhlükəsi ilə üz-üzə olduğu üçün matçın yayımı dayandırılıb.

"CBC Sport"un operatorları isə dayandıqları yerlərdən uzaqlaşıblar.

Ardınca qarşılaşma da yarımçıq dayandırılıb.

Bildirək ki, bunadək "Turan Tovuz" Naxçıvan təmsilçisinə 2:1 hesabıyla qalib gəlirdi.