Dioqo Balau: "Belə ot örtüyündə oynamağa öyrəşməmişik" – MÜSAHİBƏ
Misli Premyer Liqasının 12-ci turunda keçirilən "Şamaxı" – "Turan Tovuz" oyunundan (0:2) sonra Tovuz təmsilçisinin portuqaliyalı müdafiəçisi Dioqo Balau Pressing.az-ın suallarını cavablandırıb.
– Qələbə qazandınız. Oyun barədə təəssüratlarınız necədir?
– Çətin qarşılaşma oldu. "Şamaxı" öz meydanında daim mübarizə aparır, təzyiq göstərməyi bacarır. Həm günəşli havada, digər tərəfdən də süni ot örtüyündə oynamaq əlavə çətinliklər yaradır. Biz əvvəldən bu məsələlərə hazırlaşmışdıq. Yaxşı müdafiə olunduq. Qol buraxmadıq. Hesab üzümüzü güldürür.
– Nəticə yaxşıdır. Amma performans baxımından komandanın oyun üslubu sizi qane edir?
– Dediyim kimi, belə ot örtüyündə oynamağa öyrəşməmişik. Həmişə belə şəraitdə oynamaq komanda üçün ağır olur. Bu, futboldur. Bəzən yaxşı çıxış edirsən, bəzən gözlədiyin nəticə olmur və ya istədiyin alınmır. Əsas məsələ nəticə qazanmaqdır.
– Qırmızı vərəqədən sonra komanda sanki daha çox müdafiədən oynadı...
– Qırmızı vərəqə epizodunda əvəz olunmuşdum. Lakin həmişə 10 nəfərlə oynamaq çətin olur. Əminəm ki, bütün komandalar mənim fikrimlə razılaşar. Lakin son 15 dəqiqədə komanda şəklində yaxşı müdafiə olunduq. Qol buraxmadıq. Nəticə istədiyimiz kimi oldu.
– Növbəti matçda Qərb derbisi baş tutacaq. "Kəpəz"ə qarşı oyundan gözləntiləriniz nədir?
– Qələbəyə ehtiyacımız var. Onlara qarşı son matçda məğlub olmuşduq. Hazırda əsas foksumuz o matçı qələbə ilə başa vurmaqdır.
– Bu mövsüm son çempionların göstərdiyi oyunlar "Turan Tovuz"un Premyer Liqanın qalibi olması ehtimalını artırır?
– Əlbəttə. Hər bir mövsüm bizim şanslarımız olur. Ətrafımızda bizi dəstəkləyən xeyli insan var. Keyfiyyətli komanda formalaşıb. Biz daim yüksək pillələr üçün oynamalı, orada qalmağı düşünməliyik.
– "Neftçi" çempionatın lideridir... Bu sizə çempionluq yolunda çətinlik yarada bilər?
– "Neftçi"yə qarşı oynamaq çətindir. Lakin biz səfərdə onlardan xal almağı bacarmışıq. Diqqətimizi növbəti matçlara yönləndirməliyik.
Azad Nuriyev
– Qələbə qazandınız. Oyun barədə təəssüratlarınız necədir?
– Çətin qarşılaşma oldu. "Şamaxı" öz meydanında daim mübarizə aparır, təzyiq göstərməyi bacarır. Həm günəşli havada, digər tərəfdən də süni ot örtüyündə oynamaq əlavə çətinliklər yaradır. Biz əvvəldən bu məsələlərə hazırlaşmışdıq. Yaxşı müdafiə olunduq. Qol buraxmadıq. Hesab üzümüzü güldürür.
– Nəticə yaxşıdır. Amma performans baxımından komandanın oyun üslubu sizi qane edir?
– Dediyim kimi, belə ot örtüyündə oynamağa öyrəşməmişik. Həmişə belə şəraitdə oynamaq komanda üçün ağır olur. Bu, futboldur. Bəzən yaxşı çıxış edirsən, bəzən gözlədiyin nəticə olmur və ya istədiyin alınmır. Əsas məsələ nəticə qazanmaqdır.
– Qırmızı vərəqədən sonra komanda sanki daha çox müdafiədən oynadı...
– Qırmızı vərəqə epizodunda əvəz olunmuşdum. Lakin həmişə 10 nəfərlə oynamaq çətin olur. Əminəm ki, bütün komandalar mənim fikrimlə razılaşar. Lakin son 15 dəqiqədə komanda şəklində yaxşı müdafiə olunduq. Qol buraxmadıq. Nəticə istədiyimiz kimi oldu.
– Növbəti matçda Qərb derbisi baş tutacaq. "Kəpəz"ə qarşı oyundan gözləntiləriniz nədir?
– Qələbəyə ehtiyacımız var. Onlara qarşı son matçda məğlub olmuşduq. Hazırda əsas foksumuz o matçı qələbə ilə başa vurmaqdır.
– Bu mövsüm son çempionların göstərdiyi oyunlar "Turan Tovuz"un Premyer Liqanın qalibi olması ehtimalını artırır?
– Əlbəttə. Hər bir mövsüm bizim şanslarımız olur. Ətrafımızda bizi dəstəkləyən xeyli insan var. Keyfiyyətli komanda formalaşıb. Biz daim yüksək pillələr üçün oynamalı, orada qalmağı düşünməliyik.
– "Neftçi" çempionatın lideridir... Bu sizə çempionluq yolunda çətinlik yarada bilər?
– "Neftçi"yə qarşı oynamaq çətindir. Lakin biz səfərdə onlardan xal almağı bacarmışıq. Diqqətimizi növbəti matçlara yönləndirməliyik.
Azad Nuriyev





































