Canni De Byazi: "Səsim batıb, danışa bilmirəm"

Azərbaycan milli komandası beynəlxalq yoldaşlıq oyunu çərçivəsində sabah doğma meydanda İordaniya seçməsini qəbul edəcək.

Pressing.az xəbər verir ki, yığmamızın baş məçqçisi Canni De Byazi matçdan öncə təşkil olunan mətbuat konfransında jurnalistlərin suallarını cavablandırıb:

- Belçikaya qarşı yaxşı oynamışdıq. Sabah bütün fokusumuz İordaniyaya qarşıdır. Onların kağız üzərində böyük adı olmaya bilər, amma yaxşı komandadır. Rəqibin yaxşı oyunlarını görmüşəm . Sürətli komandadır.

- Belçika ilə oyuna yəqin ki, yenidən baxmısınız. Sizcə, nələri səhv etmişik?

- Ona görə uduzduq ki, rəqibimiz güclü idi. Onlar yaradılan bir şansdan istifadə etdilər. O qolu buraxmamaq da olardı. Amma düzgün reaksiya verdik, yaxşı oynadıq. Uşaqlardan razı qaldım. Start heyətində olanlar da, sonradan meydana daxil olanlar da yaxşı oynadı. Səsim bir az batıb, danışa bilmirəm. Sabah bizi vacib test gözləyir. Oktyabrdakı rəsmi matçdan əvvəl son testdir. Uşaqlar ciddi yanaşmalıdır. Oktyabrda kimin siyahıda olacağı sabahdan asılıdır.

- İordaniya nə dünyanın, nə də Asiyanın güclü komandasıdır. Bu komanda ilə oyun millimizə nə qazandıracaq? Daha güclü komanda ilə oynamaq, daha güclü rəqib seçmək olmazdı?

- İordaniya çox yaxşı komandadır, FIFA reytinqində 89-cu pillədədirlər, bizdən 40 pillədə. Serbiya ilə matçın sonunda hesabda 2:1 öndə idilər, 2:3 uduzdular.

- Amma Norveç millisi onlara 6:0 hesabı ilə qalib gəlib...

- Ola bilər Norveç bizdən güclüdür, onlardan da.