"Şamaxı"nın hücumçusu: "Qarabağ"a qarşı fərqlənmək komanda üçün yaxşı motivasiya oldu" – AÇIQLAMA

"Şamaxı" Misli Premyer Liqasının ilk turu çərçivəsində ötən gün səfərdə "Qarabağ"a məğlub olub - 1:3.

Matçdan sonra "şirlər"in gürcüstanlı hücumçusu Tornike Axvlediani Pressing.az-ın suallarını cavablandırıb.

- Oyun barədə fikirləriniz necədir?

- Bildirmək istəyirəm ki, rəqib yaxşı çıxış etdi. Onlara konfrans liqasında uğurlar arzulayıram. Əlbəttə bu gün onlar bizdən daha yaxşı idilər. Lakin nəzərə almaq lazımdır ki, bizim komandamız hələ ki gəncdir. Öz üzərimizdə çox çalışmalıyıq. Gələcəkdə daha yaxşı, güclü olmaq istəyirik.

- Hesabı bərabərləşdirməyi bacardınız, lakin ardı gəlmədi.

- Dediyim kimi komanda hələ gəncdir. "Qarabağ"a qarşı fərqlənmək komanda üçün yaxşı motivasiya oldu. Gələcəkdə daha yaxşılarını etmək üçün çalışmalıyıq..

- Sabiq klununuz "İberiya" Avropa liqasının pley-off mərhələsində çıxış edir. Onlar barədə nə demək istərdiniz?

- Onları təbrik edirəm. Gürcüstan təmsilçisini bu mərhələdə görmək məni sevindirir. Qeyd etməliyəm ki, bu komandanın baş məşqçisi vaxtilə Azərbaycanda çalışıb (oxu: Demçenkonu nəzərdə tutur). Gürcüstan klubunun bu mərhələdə oynaması böyük uğurdur. Bu seriyanı davam etdirmək lazımdır.

Azad Nuriyev