Uşaqları yetişdirmək, yoxsa valideynlərin cibini soymaq? – “Qarabağ”da trenerlər bir uşağı 250 manata hazırlaşdırır
“Qarabağ” uşaq komandalarından ən yaxşı pul qazanan klubdu.
Ödənişli əsaslarla məşqlərə yazılan uşaqların ödədiyi aylıq vəsait il-ildən artırılır.
Bunun müqabilində məşqlərin keyfiyyətinin müvafiq olduğunu söyləmək çətindi. Məşqlər yenə də valideynlərin sözüylə desək, uşaqların məşqdə bir-birinə pas verməsindən ibarət olur. Dünənə qədər “Neftçi”nin Suraxanıdakı bazasını mübahisəyə çıxarıb “Qarabağ”ın akademiyasına verməyə çalışan kluba uşaqların axını zəifləyib. Valideynlər bildirir ki, bu səbəbdən məşqçilər daha çox fərdi məşqlərin əhəmiyyətini təbliğ etməyə çalışır. Amma fərdi məşqlər neçəyədi? Nə az, nə çox, ayda 250 manat. 250 manatlıq nə məşq var ki, orada?
Düzdü, həm fərdi, həm də qrup məşqlərinə gələnlərə “endirim” var: aylıq 100 manatlıq ödəmə 80 manata düşür. Deməli, uşaq həm fərdi, həm də qrup məşqinə gəlsə, valideynin 330 manat xərci çıxacaq. Məşqçiyə pul ödəməyə maraqlı olan valideynin başqa umacağı da var burada: məşqçilər təkcə fərdi dərs keçmir, həmçinin gələcəkdə uşağa menecerlik edib onu Akademiyaya, yaxud başqa klublara yerləşdirə bilər.
Qrup məşqləri də bir neçə il əvvəl 40 manat idi, sonra 60, axırda 100 oldu. Sonuncu artımdan sonra uşaqların böyük əksəriyyəti məşqlərdən imtina elədi. Akademiyaya düşə bilməyən, amma futbola həvəsi olan uşaqların arzusu artan qiymətlərlə tərs mütənasib formaya çevrildi.
“Qarabağ” arada uşaq klublarında oynayan uşaqların və valideynlərin “könlünü alır”: premyer liqa oyunlarında onlara pulsuz bilet paylayır. Amma bu jestlər uşaq futboluna münasibəti bazar münasibətlərinə bağlayaraq pul qazanmağa çalışanların niyyətinin yanında çox sönük qalır.
Uşaq futboluna töhvə vermək belə olmur. Torpaq davası etməzdən əvvəl bir düşünün, buna nə qədər mənəvi haqqınız çatır, deyə.
Zülfiyyə Mustafayeva
Ödənişli əsaslarla məşqlərə yazılan uşaqların ödədiyi aylıq vəsait il-ildən artırılır.
Bunun müqabilində məşqlərin keyfiyyətinin müvafiq olduğunu söyləmək çətindi. Məşqlər yenə də valideynlərin sözüylə desək, uşaqların məşqdə bir-birinə pas verməsindən ibarət olur. Dünənə qədər “Neftçi”nin Suraxanıdakı bazasını mübahisəyə çıxarıb “Qarabağ”ın akademiyasına verməyə çalışan kluba uşaqların axını zəifləyib. Valideynlər bildirir ki, bu səbəbdən məşqçilər daha çox fərdi məşqlərin əhəmiyyətini təbliğ etməyə çalışır. Amma fərdi məşqlər neçəyədi? Nə az, nə çox, ayda 250 manat. 250 manatlıq nə məşq var ki, orada?
Düzdü, həm fərdi, həm də qrup məşqlərinə gələnlərə “endirim” var: aylıq 100 manatlıq ödəmə 80 manata düşür. Deməli, uşaq həm fərdi, həm də qrup məşqinə gəlsə, valideynin 330 manat xərci çıxacaq. Məşqçiyə pul ödəməyə maraqlı olan valideynin başqa umacağı da var burada: məşqçilər təkcə fərdi dərs keçmir, həmçinin gələcəkdə uşağa menecerlik edib onu Akademiyaya, yaxud başqa klublara yerləşdirə bilər.
Qrup məşqləri də bir neçə il əvvəl 40 manat idi, sonra 60, axırda 100 oldu. Sonuncu artımdan sonra uşaqların böyük əksəriyyəti məşqlərdən imtina elədi. Akademiyaya düşə bilməyən, amma futbola həvəsi olan uşaqların arzusu artan qiymətlərlə tərs mütənasib formaya çevrildi.
“Qarabağ” arada uşaq klublarında oynayan uşaqların və valideynlərin “könlünü alır”: premyer liqa oyunlarında onlara pulsuz bilet paylayır. Amma bu jestlər uşaq futboluna münasibəti bazar münasibətlərinə bağlayaraq pul qazanmağa çalışanların niyyətinin yanında çox sönük qalır.
Uşaq futboluna töhvə vermək belə olmur. Torpaq davası etməzdən əvvəl bir düşünün, buna nə qədər mənəvi haqqınız çatır, deyə.
Zülfiyyə Mustafayeva
