Fizuli Məmmədov: "Komandamız hələ tam hazır deyil" – AÇIQLAMA

Birinci Liqa təmsilçisi "Şahdağ Qusar" ötən gün "Sabah"ın əvəzedici komandası ilə yoxlama oyunu keçirib. Qusarlılar matçdan 4:0 hesablı qələbə ilə ayrılıb.

Şimal təmsilçisinin baş məşqçisi Fizuli Məmmədov qarşılaşma ilə bağlı fikirlərini Pressing.az-a açıqlayıb:

"Sabah-2"nin istedadlı gənclərdən ibarət heyəti var. Çox döyüşkən komandadır. Sona qədər mübarizə apardılar. Özümüzə gəldikdə, görünür ki, komandamız hələ tam hazır deyil. Futbolçularımız meydanda maksimumunu göstərməyə çalışdılar. Əsas gözləntim o idi ki, əzmkarlıq göstərsinlər. Ki, bunları da futbolçulardan ala bildim. Hazırlığımız davam edəcək. Qarşıda bir neçə yoxlama oyunumuz da var. Komandamız oyundan-oyuna daha da hazırlıqlı olacaq. Bugünkü oyuna görə oyunçularıma təşəkkür edirəm. Tapşırıqlarımı maksimum yerinə yetirdilər".

Daşqın Əziz