“Şəki Siti”də futbolçu üsyanı – Rəhbərlik hüquqi addımlar atacaq
İkinci Liqada çıxış edən “Şəki Siti"də ciddi qalmaqal yaşanıb.
Klubun bir neçə futbolçusu yarışın son turu çərçivəsində hazırda "Ağstafa Gəncləri" ilə keçirilən oyunda meydana çıxmaqdan imtina edərək komandanı boykot edib. Bu səbəbdən Şəki təmsilçisi meydana 9 futbolçuyla çıxmaq məcburiyyətində qalıb. Komandanın üzvləri maaşlarının verilmədiyi iddiası ilə oyuna çıxmayıblar.
Pressing.az-a daxil olan informasiyaya görə, "Şəki Siti"nin oyunçuları ikinci dövrə ərzində keçirdikləri qarşılaşmaların və maya qədər olan bütün ayların əməkhaqlarını tam şəkildə alıblar. Hazırda may ayı çərçivəsində cəmi iki oyun keçirilib və hər hansı rəsmi əməkhaqqı gecikməsi mövcud deyil.
Buna baxmayaraq, futbolçular “Axırıncı oyundur, ödəniş edilməyə bilər, əvvəlcədən ödəniş edilsin” kimi fikirlər səsləndirərək son matça çıxmaqdan imtina ediblər.
"Hərəkat"ın başında duran isə komandanın kapitanı Rəsul İbrahimovdur. O, digər futbolçularla əlaqə saxlayaraq onların da matçda iştirak etməməsi üçün çağırışlar edib və bir neçə oyunçunun meydana çıxmasına mane olub. İbrahimovun çağırışına isə Zaur Fərzəliyev, Çərkəz Hüseynov, Mehdi Həşumov və Nazim Bağırov qoşulublar.
Məlumata görə, “Şəki Siti" rəhbərliyi başverənləri peşəkar futbol prinsiplərinə və klubdaxili intizam qaydalarına zidd davranış kimi qiymətləndirib. Bu hərəkətə görə oyunçulara öncədən xəbərdarlıq edilib və onlara qarşı ciddi hüquqi addımlar atılacaq.
Pressing.az
Klubun bir neçə futbolçusu yarışın son turu çərçivəsində hazırda "Ağstafa Gəncləri" ilə keçirilən oyunda meydana çıxmaqdan imtina edərək komandanı boykot edib. Bu səbəbdən Şəki təmsilçisi meydana 9 futbolçuyla çıxmaq məcburiyyətində qalıb. Komandanın üzvləri maaşlarının verilmədiyi iddiası ilə oyuna çıxmayıblar.
Pressing.az-a daxil olan informasiyaya görə, "Şəki Siti"nin oyunçuları ikinci dövrə ərzində keçirdikləri qarşılaşmaların və maya qədər olan bütün ayların əməkhaqlarını tam şəkildə alıblar. Hazırda may ayı çərçivəsində cəmi iki oyun keçirilib və hər hansı rəsmi əməkhaqqı gecikməsi mövcud deyil.
Buna baxmayaraq, futbolçular “Axırıncı oyundur, ödəniş edilməyə bilər, əvvəlcədən ödəniş edilsin” kimi fikirlər səsləndirərək son matça çıxmaqdan imtina ediblər.
"Hərəkat"ın başında duran isə komandanın kapitanı Rəsul İbrahimovdur. O, digər futbolçularla əlaqə saxlayaraq onların da matçda iştirak etməməsi üçün çağırışlar edib və bir neçə oyunçunun meydana çıxmasına mane olub. İbrahimovun çağırışına isə Zaur Fərzəliyev, Çərkəz Hüseynov, Mehdi Həşumov və Nazim Bağırov qoşulublar.
Məlumata görə, “Şəki Siti" rəhbərliyi başverənləri peşəkar futbol prinsiplərinə və klubdaxili intizam qaydalarına zidd davranış kimi qiymətləndirib. Bu hərəkətə görə oyunçulara öncədən xəbərdarlıq edilib və onlara qarşı ciddi hüquqi addımlar atılacaq.
Pressing.az
