"Qarabağ"ın məşqçisi özünü kimə göstərirdi?

"Sabah" – "Qarabağ" oyunu bitib, amma matç ətrafında danışılanlar hələ də bitmir. Diqqət mərkəzinə görüşdən sonra texniki zonadan çıxan emosiyalar düşdü.

Oyundan sonra gərginlik zamanı "Qarabağ"ın qapıçılar üzrə məşqçisi Hüseyn Səidov ortaya düşdü. O, gözlənilməz şəkildə hadisələrin episentrinə çevrildi. Elə bir canfəşanlıq, elə bir enerji…

Maraqlısı budur ki, kənarda duran təcrübəli adlar – Qurban Qurbanov, Elçin Rəhmanov, Müşfiq Hüseynov vəziyyəti belə qarşılamırdılar. Amma texniki zonada Səidov tam başqa ritmdə idi.

Kənardan belə hal çox da yaxşı görünmür. Stadionun kənarında Rəvan Həmzəzadə ilə üz-üzə gəlsəydi, böyük ehtimalla, ssenari tamam fərqli olardı. Bəlkə də Hüseyn Səidov Rəvan Həmzəzadədən üzr də istəyib, yolunu dəyişərdi.

Bu, məzhəb dəyişmək deyil, futbol camiəsində belə xəbərlər ildırım sürətilə yayılır. Dünənə qədər sakit görünən biri birdən-birə “ultra aktiv” simaya çevrilir. Yoxsa özünü yeni qoşulduğu cərəyana sübut etmək istəyir?

"Qarabağ"da iki qapıçı məşqçisi var və dörd qapıçı mövcuddur. Bəlkə də enerjini texniki zonada sərf etməkdənsə, məşqlərdə hava toplarına çıxışı bir az təkmilləşdirmək daha faydalı olardı.

Amin Ramazanovu, Fabian Buntiçi "bəsləmək" yox, məşq keçmək lazımdır...

Hilal