MPL: "Sumqayıt"dan qələbə, "Qəbələ" - "Araz-Naxçıvan" matçında heç-heçə

Bu gün Misli Premyer Liqasında 29-cu tur start götürüb.

Pressing.az xəbər verir ki, ilk oyun gününə nəzərdə tutulan matçlar yekunlaşıb.

Turun açılış matçında “İmişli” Qubada “Sumqayıt”ı qəbul edib. Qarşılaşma Saşa İliçin komandasının 2:0 hesablı qələbəsi ilə yekunlaşıb. Bu komandalar arasında ilk dövrədəki oyunda “İmişli” 1:0 hesablı qələbə qazansa da, reqlamenti pozduğu üçün qonaqlara texniki qələbə verilmişdi. İkinci dövrənin görüşündə də sevinən sumqayıtlılar olmuşdular - 1:0.

Günün digər matçında isə “Qəbələ” doğma divarlar arasında “Araz-Naxçıvan”ı sınağa çəkib. Matç 1:1 hesablı bərabərliklə başa çatıb. Cari mövsüm bu komandaların qarşıdurmasında tərəflər hərəyə bir qələbə qazanıblar. Hər iki görüşdə 2:1 hesabı qeydə alınıb.

25 aprel (şənbə)

18:30. “Qəbələ” - “Araz-Naxçıvan” - 1:1

Qollar: Ömər Buludov, 76-avtoqol (1:0), İssuf Paro, 83 (1:1)

Qəbələ şəhər stadionu

16:00. “İmişli” - “Sumqayıt” - 0:2

Qollar: Aleksandr Ramalinqom, 34, 85

Quba OİK stadionu

26 aprel (bazar)

16:00. “Şamaxı” - “Kəpəz”

19:00. “Neftçi” - “Qarabağ”

27 aprel (bazar ertəsi)

18:00. “Turan Tovuz” - “Zirə”

20:00. “Sabah” - “Karvan-Yevlax”