Hesabatlarda tərif, meydanda biabırçılıq
Azərbaycanın qadın futbolçulardan ibarət aşağı yaş millilərinin uğursuz çıxışları davam edir.
İki gün əvvəl 19 yaşadək qadınlardan ibarət millimiz də biabırçı hesabla uduzdu. Yığmamız Avropa çempionatının seçmə mərhələsi çərçivəsində xorvatiyalı həmyaşlarına 6 cavabsız qolla məğlub oldu. Bu məğlubiyyət təsadüf yox, illərdir mövcud olan sistem probleminin açıq göstəricisidir.
Ən böyük məsuliyyət isə, təbii ki, birbaşa AFFA və xüsusilə qurumun Qadın Futbolu Departamentinin üzərinə düşür. Zümrüd Ağayevanın adıçəkilən departamentin rəhbəri təyin olunmasından sonra da müsbətə doğru dəyişiklik olmayıb. Çünki AFFA Yüksək Qızlar Liqasındakı durum göz önündədir. Oyunlarda qeydə alınan 20:0, 22:0-lıq ağlasığmaz hesablar, nəticlərin manipulyasiyası və daha nələr... Hiss olunur ki, AFFA bu liqaya başdansovdu yanaşır. Düzdür, Yüksək Qızlar Liqasında komanda sayı 6-dan 12-yə çatdırılıb. Lakin bu da gözdən pərdə asmaq şakərinə bənzəyir. Və təsadüfi deyil ki, U-19-un heyətindəki bütün futbolçular da məhz AFFA Yüksək Qızlar Liqasında top qovan oyunçulardır.
Belədə A millinin uğurlu çıxışının səbəbini müəyyənləşdirmək də çətin deyil. Çünki əsas yığma türkiyəli, rus, gürcü legionerlərdən formalaşıb. Bununla öyünən AFFA A millinin uğurlu çıxışının kölgəsinə sığınıb. Bütün diqqət əsas komandaya verilib, aşağı yaş qrupları isə unudulub.
Bəs AFFA-nın Qadın Futbolu Departamenti nə vaxta qədər bununla bağlı ölçü götürmək haqda düşünməyəcək? Görəsən, federasiyanın baş katibi Cahangir Fərəcullayev aşağı yaş qruplarının bərbad nəticələri ilə bağlı departament rəhbərindən hesabat tələb edir?
Lakin cari mənzərə bunu deməyə əsas vermir. Çünki baş katib AFFA-nın son Hesabat Konfransında qadın futbolunun şəninə təriflər yağdırmış, Qadın Futbolu Departamentinin fəaliyyətini yüksək qiymətləndirmişdi.
Görünən isə budur ki, Azərbaycanda qadın futbolu uçuruma doğru gedir, idarəçilik də sıfıra enib.
Pressing.az
İki gün əvvəl 19 yaşadək qadınlardan ibarət millimiz də biabırçı hesabla uduzdu. Yığmamız Avropa çempionatının seçmə mərhələsi çərçivəsində xorvatiyalı həmyaşlarına 6 cavabsız qolla məğlub oldu. Bu məğlubiyyət təsadüf yox, illərdir mövcud olan sistem probleminin açıq göstəricisidir.
Ən böyük məsuliyyət isə, təbii ki, birbaşa AFFA və xüsusilə qurumun Qadın Futbolu Departamentinin üzərinə düşür. Zümrüd Ağayevanın adıçəkilən departamentin rəhbəri təyin olunmasından sonra da müsbətə doğru dəyişiklik olmayıb. Çünki AFFA Yüksək Qızlar Liqasındakı durum göz önündədir. Oyunlarda qeydə alınan 20:0, 22:0-lıq ağlasığmaz hesablar, nəticlərin manipulyasiyası və daha nələr... Hiss olunur ki, AFFA bu liqaya başdansovdu yanaşır. Düzdür, Yüksək Qızlar Liqasında komanda sayı 6-dan 12-yə çatdırılıb. Lakin bu da gözdən pərdə asmaq şakərinə bənzəyir. Və təsadüfi deyil ki, U-19-un heyətindəki bütün futbolçular da məhz AFFA Yüksək Qızlar Liqasında top qovan oyunçulardır.
Belədə A millinin uğurlu çıxışının səbəbini müəyyənləşdirmək də çətin deyil. Çünki əsas yığma türkiyəli, rus, gürcü legionerlərdən formalaşıb. Bununla öyünən AFFA A millinin uğurlu çıxışının kölgəsinə sığınıb. Bütün diqqət əsas komandaya verilib, aşağı yaş qrupları isə unudulub.
Bəs AFFA-nın Qadın Futbolu Departamenti nə vaxta qədər bununla bağlı ölçü götürmək haqda düşünməyəcək? Görəsən, federasiyanın baş katibi Cahangir Fərəcullayev aşağı yaş qruplarının bərbad nəticələri ilə bağlı departament rəhbərindən hesabat tələb edir?
Lakin cari mənzərə bunu deməyə əsas vermir. Çünki baş katib AFFA-nın son Hesabat Konfransında qadın futbolunun şəninə təriflər yağdırmış, Qadın Futbolu Departamentinin fəaliyyətini yüksək qiymətləndirmişdi.
Görünən isə budur ki, Azərbaycanda qadın futbolu uçuruma doğru gedir, idarəçilik də sıfıra enib.
Pressing.az
