"Çempionata köklənməkdən başqa yolumuz yoxdur" - Sənan Qurbanov

“120 dəqiqənin bitməsinə az qalmış buraxdığımız qol üzücü oldu. Azarkeşlərdən üzr istəyirəm”.

Pressing.az xəbər verir ki, bu sözləri "Neftçi" klubunun məşqçisi Sənan Qurbanov Azərbaycan Kubokunun 1/8 final mərhələsi çərçivəsində "Zirə" ilə baş tutan matçı (0:1) matçı şərh edərkən deyib.

Mütəxəssis matça hazırlıq üçün vaxtlarının az olduğunu, əsasən bərpaya diqqət yetirdiklərini bildirib:

“Rəqibin hücumlarının qarşısını ala bilirdik, bizim hücumlarımız da təhlükəli olurdu. Amma oyunun sonlarında qol buraxdıq. Azarkeşlərimiz çox yaxşı dəstək göstərirdilər. Onlardan üzr istəyirəm”.

S.Qurbanov heyətlə, xüsusilə Cordan Rezabalanın meydana gec daxil olması və Bassala Sambunun oyunu ilə bağlı məsələlərə da toxunub. O, Sambunu qırmızı vərəqə riskinə görə əvəzlədiyini, orta xətdəki stabilliyi pozmamaq üçün isə Rezabalanı sona saxladığını qeyd edib.