“Qarabağ”a qarşı oynamaq həmişə çətindir. Futbolçularım bu gün çox əzmkarlıq göstərdilər”

Pressing.az xəbər verir ki, bu sözləri "Karvan-Yevlax" klubunun baş məşqçisi Füzuli Məmmədov Bizon Azərbaycan Kubokunun 1/8 final mərhələsi çərçivəsində "Qarabağ"la baş tutan matçı (3:0) matçı şərh edərkən deyib.

Mütəxəssis etiraf edib ki, komanda fiziki cəhətdən tam hazır deyil və 80-ci dəqiqədən sonra yaranan yorğunluq qaçılmaz səhvlərə yol açıb. O, rəqibin onları müdafiə olunmağa məcbur etdiyini, lakin epizodlardan yararlanmağın vacibliyini vurğulayıb:

"Qarabağ”a qarşı hücum futbolu oynamaq asan deyil. Rəqib səni müdafiəyə çəkilməyə məcbur edir. Futbolçularım böyük əzmkarlıq nümayiş etdirdilər və oyun intizamını sonadək qorumağa çalışdılar. Hər matçda müdafiə olunmayacağıq. Hücum epizodlarımız da oldu. Əgər "Qarabağ"a qarşı şansın yaranırsa, onu mütləq dəyərləndirməlisən".