AFFA İK-nın iclasları üçün yeni məkan: Otaq baş katibə verilib

Bir müddətdir ki, AFFA İcraiyyə Komitəsinin iclasları federasiyadan kənarda keçirilir.

Proses Cahangir Fərəcullayev AFFA-nın baş katibi postuna təyin olunduqdan bəri başlayıb.

Belə ki, Fərəcullayevin bu posta keçidindən sonra İK-nın iclasları məcburən AFFA-dan kənarda keçirilir.

Məsələnin səbəbi də məlumdur.

Pressing.az-a daxil olan informasiyaya görə, iclas otağı baş katibin şəxsi istifadəsinə verildiyinə görə, toplantılar da qurumun inzibati binasından kənarda baş tutur.

Cahangir bəyin sərəncamına verilən otaq, əslində, illərdir ki, İcraiyyə Komitəsinin rəsmi toplantıları üçün nəzərdə tutulmuşdu. Lakin onun gəlişindən sonra iclaslar "köçəri" keçirilir.

Elsevər Muradzadə