Bir neçə gün əvvəl qadın futbolçulardan ibarət Azərbaycan millisi UEFA Millətlər Liqasının seçmə mərhələsinin sonuncu oyununda Bakıda Litva ilə qarşılaşıb və matçdan böyükhesablı məğlubiyyətlə ayrılıb - 0:5.

Bu yenilgi azmış kimi, UEFA AFFA-nı növbəti dəfə cərimələyəcək.

Belə ki, qarşılaşmanın startı 3 dəqiqə yubanıb. Buna səbəb isə millimizin üzvlərinin oyundan qabaq şeir deməsi olub. Matçdan öncə bir-birilərini motivasiya etmək üçün şeir deyən qızların bu addımı isə AFFA-ya baha başa gələcək.

Pressing.az-ın əldə etdiyi məlumata görə, matçın UEFA nümayəndəsi bunu protokola qeyd edib və qurumun İntizam Komitəsinin növbəti iclasında bu məsələylə bağlı qərar veriləcək.

Xatırladaq ki, analoji hal Litva ilə aprelin 4-də keçirilən oyunda da yaşanmışdı. "Report"un məlumatına görə, millimizin baş məşqçisi Siyasət Əsgərova görə oyunun startı yubanmış və buna görə UEFA AFFA-nı 5000 avro məbləğində cərimələmişdi.

Murad
Pressing.az
Foto: since1951.az