“Sumqayıt”ın məşqçilər heyəti məlum olub

“Sumqayıt” basketbol klubunun məşqçilər heyəti müəyyənləşib.

Bu barədə Pressing.az-a klubun mətbuat xidmətindən bildirlib.

Yeni mövsümdə məşqçilər heyətində Vadim Kuramşın və gənc məşqçi Allahverdi Yusifov yer alacaq. Kuramşın baş məşqçi Uğur Özdemirin köməkçisi kimi fəaliyyət göstərəcək. Mütəxəssis klubun yarandığı 3 il ərzində komandada çalışıb. O, ötən iki mövsümdə baş məşqçi kimi fəaliyyət göstərib.

Allahverdi Yusifov isə buna qədər aşağı yaş qruplarından ibarət komandalarda məşqçilik edib. O, FIBA və ABL-nin B kateqoriyası üzrə məşqçilik sertifikatına sahibdir.