Qadınlardan ibarət 3x3 yığma komandamız Paris 2024 Olimpiya oyunlarında iştirak etmək üçün təsnifat oyunları keçirəcək.

Pressing.az xəbər verir ki, Azərbaycanın komanda idman növlərində yaranmış bu tarixi şansı qızlarımız, ötən yay 3x3 basketbol üzrə keçirilmiş Dünya Qadın Seriyasının mərhələ oyunlarında qazandıqları reytinq xallarına görə əldə ediblər.

Belə ki, Dünya Qadın Seriyasında dörd dəfə mərhələ qalibi olmuş "Neftçi" klubunun və yığmamızın heyətində iştirak etmiş qadın basketbolçularımızın topladıqları yüksək reytinq xallarına görə, millimiz iki təsnifat oyunu keçirəcək.

Qeyd edək ki, ilk təsnifat oyunları 2024 -cü ilin 17-18 aprel tarixlərində baş tutacaq. İkinci təsnifat oyunlarının başlama tarixi isə 2024-cü ilin iyun ayına planlaşdırılır.