Albaniyanın paytaxtı Tirana şəhərində güləş üzrə dünya çempionatı davam edir.

Pressing.az xəbər verir ki, Azərbaycanın üç yunan-Roma güləşçisi bu gün qızıl medal qazana bilər. Onlar final görüşünə çıxacaqlar.

Eldəniz Əzizli (55 kq) həlledici görüşdə iranlı Poya Marz ilə üz-üzə gələcək.

Nihat Məmmədli (63 kq) finalda qazaxıstanlı Yerjet Jarlikassinlə qarşılaşacaq.

Ülvü Qənizadə (72 kq) isə fransalı İbrahim Qanemlə güləşəcək.

Qurban Qurbanov (82 kq) isə təsəlliverici qarşılaşmada Özbəkistandan olan Jalqasbay Berdimuratov ilə qarşılaşacaq.

Həmçinin bu gün qadın güləşçilərimiz də mübarizəyə başlayacaq.

Alyona Kolesnik (59 kq) 1/8 finalda braziliyalı Ana Franka, Elis Manolova (65 kq) isə təsnifatda polşalı Nataliya Kubati ilə üz-üzə gələcək.