Türkiyənin İstanbul şəhərində güləş üzrə Dünya Olimpiya Təsnifat turniri davam edir.

Pressing.az xəbər verir ki, bu gün qadın güləşçilərin mübarizəsinə yekun vurulacaq.

Azərbaycan təmsilçisi Mariya Stadnik (50 kq) üçün Paris-2024-ə vəsiqə qazanmaq üçün son şansından istifadə edəcək. Stadnik ötən gün yarımfinalda məğlub olub və bu gün bürünc medal uğrunda görüşə çıxacaq.

Qeyd edək ki, daha əvvəl qadın güləşçilərimizdən Gültəkin Şirinova (53 kq), Alyona Kolesnik (57 kq), Ruzanna Məmmədova (62 kq) və Elis Manolova (68 kq) rəqiblərinə məğlub olaraq mübarizəni dayandırıblar.

Azərbaycanın yunan-Roma güləşi millisinin 3 üzvü - Murad Məmmədov (60 kq), Rafiq Hüseynov (87 kq) və Sabah Şəriəti (130 kq) ilk yarış günündə lisenziyaya sahib çıxıblar.