Qubada keçirilən Avropa Kuboku bu gün sona çatacaq

Qubada keçirilən yeniyetmə cüdoçular arasında Avropa Kubokuna bu gün yekun vurulacaq.

Pressing.az xəbər verir ki, yarışın ikinci günündə oğlanlarda 73, 81, 90 və +90 kq çəki dərəcələrində mükafatçılar bəlli olacaq.

Qızlarda isə 57, 63, 70 və +70 kq-da medalçılar müəyyənləşəcək.

Ötən gün Azərbaycan təmsilçiləri 12 medal qazanıblar. Ölkəni yarışda 141 idmançı (100 oğlan, 41 qız) təmsil edir.