Bu gün Avropa Liqasında 5-ci turun oyunları keçirilib.

Pressing.az xəbər verir ki, Azərbaycan təmsilçisi "Qarabağ" da növbəti oyununa çıxıb.

Ağdam klubu Fransada “Nant”la üz-üzə gəlib. Bakıda bu rəqibini 3:0 hesabı ilə məğlub edən “Qarabağ”a qrupdan çıxmaq üçün heç-heçə də kifayət edirdi. Ancaq Ağdam təmsilçisi 90+4-cü dəqiqədə rəqibin vurduğu qolla 1:2 hesabı ilə uduzub.

Qrupun digər oyununda "Frayburq" "Olimpiakos"la 1:1 hesablı bərabərə qalıb və qrup birincisi kimi növbəti mərhələyə yüksəlib.

"Qarabağ" Avroliqada qrup mərhələsinin son turunda noyabrın 3-ü "Frayburq"la qarşılaşacaq.


27 oktyabr

Avropa Liqası

G qrupu, 5-ci tur

23:00. "Nant" (Fransa) - “Qarabağ” (Azərbaycan) - 2:1

Qollar: Lüdovik Blas, 16 (1:0), Filip Ozobiç, 56-pen (1:1), Banaqo, 90+4 (2:1)
Baş hakim: Yakob Kehlet (Danimarka)
"Beaujoire" stadionu