"Qarabağ" və "Sabah"dan qələbə - YENİLƏNİB

Azərbaycan Premyer Liqasında 20-ci turun oyunları davam edir.

Pressing.az xəbər verir ki, bu gün daha iki matç keçirilib. Əvvəlcə lider "Qarabağ" "Kəpəz"in qonağı olub. Ağdam təmsilçisi hesabda 0:1 geri olsa da, son dəqiqədə penaltidən vurulan qolla 2:1 hesabı ilə qalib gəlib.

Günün digər qarşılaşmasında "Zirə" "Sabah"ı qəbul edib və 0:1 hesabı ilə uduzub. "Sabah" qələbə qolunu son dəqiqədə penaltidən vurub.

Qeyd edək ki, turun digər iki görüşü yanvarın 28-də keçiriləcək.

27 yanvar (şənbə)

15:00. “Kəpəz” – “Qarabağ” 1:2

Qol: Olavale Onanuqa, 72 (1:0), Olavio Juninyo, 79 (1:1), Toral Bayramov, 90+6-pen.(1:2)
Hakimlər: Nicat İsmayıllı, Eyyub İbrahimov, Zöhrab Abbasov, İslam Məmmədov
Qəbələ şəhər stadionu

17:30. “Zirə” – “Sabah” 0:1

Qol: Sofian Çakla, 90+10-pen.
Hakimlər: Rauf Cabarov, Namiq Hüseynov, Müslüm Əliyev, Elçin Məsiyev
Zirə İdman Kompleksinin stadionu