"Şamaxı" klubunun zədəli oyunçusu Amil Yunanovun son durumu bəlli olub.

Sentyabr ayının 19-da Türkiyədə əməliyyat olunan 29 yaşlı hücumçu yüngül məşqlərə başlayıb.

Bu barədə məlumatı Pressing.az-a bölgə təmsilçisinin mətbuat katibi Yusif Hüseynov verib.

Klub sözçüsü Yunanovun ən tez dekabr ayının ortalarında yaşıl meydanlara qayıda biləcəyini söyləyib:

"Amil hazırda fərdi məşqlər edir. Onun ən tez dekabr ayının ortalarına qədər hazır olacağını qeyd edə bilərəm".

Xatırladaq ki, Misli Premyer Liqasının 5-ci turu çərçivəsində "Turan Tovuz"la keçirilən qarşılaşmada zədələnən Yunanovun 2-3 ay yaşıl meydanlardan uzaq qalacağı bildirilmişdi.