Zaqreb "Dinamo"sunun azərbaycanlı hücumçusu Mahir Emreli komandadan ayrılmaq istəyir.

Buna səbəb 26 yaşlı futbolçunun daha çox oynamaq istədiyi kluba üz tutmasıdır.

Pressing.az-ın əldə etdiyi məlumata görə, Mahirə Azərbaycandan sürpriz izləyici var. Belə ki, "Sabah" klubu onu yaxından izləyir.

Emrelinin Türkiyədən də təklifləri var. Lakin o, Türkiyədəki maaş sıxıntıları və digər neqativ amillərlə ötən mövsüm rastlaşdığı üçün Super Liqa seçiminə isti yanaşmır. Onun hansı kluba keçəcəyi bu ay müəyyənləşəcək.

Bildirək ki, həmyerlimizin Xorvatiya klubu ilə 2026-cı ilin 30 iyununadək müqaviləsi var.

Pressing.az