Zaqreb "Dinamo"sunun hücumçusu Mahir Emreli Azərbaycana qayıda bilər.

Pressing.az-ın məlumatına görə, millimizin üzvü Xorvatiyada pik formaya qalxmadığı üçün komandadan ayrılmaq fikrindədir. 26 yaşlı futbolçu ilə maraqlanan klublardan biri sabiq komandası "Qarabağ"dır. Hücum xəttində rəqabəti artırmaq üçün Qurban Qurbanov keçmiş futbolçusunu yenidən sərəncamında görmək istəyir.

Ağdam təmsilçisi artıq Emreliyə geri qayıtması üçün təklif irəli sürüb.

Digər tərəfdən isə agentlərdən Mahiri "Sabah"ın baş məşqçisi Murad Musayevə də təqdim ediblər və onun "yaşıl işığı"ndan sonra futbolçuya digər variantın da olduğunu bildiriblər.

Bu səbəbdən, Mahirin Azərbaycanda oynamaq üçün 2 seçimi mövcuddur.

Daşqın Əziz