Əndərəbadi bəyanat – REPLİKA
"Neftçi" klubu bu gün yeni bəyanat yayıb.
İlk olaraq həmin bəyanatı təqdim edək:
"Son vaxtlar mediada futbolçularımızın başqa komandalara transfer olunacağı və ya icarəyə veriləcəyi haqqında xəbərlər yayılır. “Neftçi” PFK olaraq bəyan edirik ki, bu cür xəbərlər həqiqəti əks etdirmir. Buna görə də media nümayəndələrindən bu cür xəbərləri dərc etməzdən əvvəl klubun mətbuat xidməti ilə dəqiqləşdirməyi tələb edirik. Əks halda, bu xəbərlərin şayiədən başqa heç bir əsası olmayacaq və sizin media orqanının nüfuzuna xələl gətirə bilər. Qış transfer dönəmində hər hansı futbolçumuz başqa komandaya transfer olunanda və ya icarəyə veriləndə, bu haqda xəbəri rəsmi olaraq klubun mətbuat xidmətindən əldə edə biləcəksiniz".
Göründüyü kimi, paytaxt təmsilçisi bu bəyanatla yerli mətbuata söz eşitdirib. Yəni, bu gündən sonra "Neftçi"nin kimi gətirib-gətirməyəcəyi, icarəyə verib-verməyəcəyi ilə bağlı xəbərləri öncədən (!) vermək olmaz. Deyə bilərsiniz ki, "klub haqlıdır, niyə rəsmi olmayan xəbərlərə inanaq?!".
Fəqət bu, təkcə Azərbaycanda yox, bütün dünyada qəbul edilmiş etalondur. Ki, insayd xəbərlər – transfer dedi-qoduları rəsmi informasiyadan öncə artıq mətbuatda dolaşır. Bir az da bədiiləşdirsək, mətbuatın dadı-duzu həm də gizli mənbələrdən əldə olunan bu tip xəbərlərlə (reallığa söykənən məlumatlar – red.) oxucuların görüşünə gəlməkdir. Lakin "Neftçi" buna görə mətbuatdan incik düşüb.
Bu gün dünya üzrə bir nömrəli futbol insayderi italiyalı jurnalist Fabrisio Romanodur. Görəsən, "Liverpul", "Real", "Milan" və digər Avropa nəhəngləri transfer edəcəkləri futbolçuların adını, hətta keçidin gününü də öncədən yazan italiyalıya belə qadağa qoyublar?
Ümumiyyətlə, Azərbaycanın ən köklü klubunun belə əndərəbadi bəyanat yayması başadüşülən deyil. Bir sözlə, bu bəyanatı da çempionatın ilk dövrəsində sosial mediada edilən uğursuz paylaşımların yanına "calamaq" olar...
Pressing.az
İlk olaraq həmin bəyanatı təqdim edək:
"Son vaxtlar mediada futbolçularımızın başqa komandalara transfer olunacağı və ya icarəyə veriləcəyi haqqında xəbərlər yayılır. “Neftçi” PFK olaraq bəyan edirik ki, bu cür xəbərlər həqiqəti əks etdirmir. Buna görə də media nümayəndələrindən bu cür xəbərləri dərc etməzdən əvvəl klubun mətbuat xidməti ilə dəqiqləşdirməyi tələb edirik. Əks halda, bu xəbərlərin şayiədən başqa heç bir əsası olmayacaq və sizin media orqanının nüfuzuna xələl gətirə bilər. Qış transfer dönəmində hər hansı futbolçumuz başqa komandaya transfer olunanda və ya icarəyə veriləndə, bu haqda xəbəri rəsmi olaraq klubun mətbuat xidmətindən əldə edə biləcəksiniz".
Göründüyü kimi, paytaxt təmsilçisi bu bəyanatla yerli mətbuata söz eşitdirib. Yəni, bu gündən sonra "Neftçi"nin kimi gətirib-gətirməyəcəyi, icarəyə verib-verməyəcəyi ilə bağlı xəbərləri öncədən (!) vermək olmaz. Deyə bilərsiniz ki, "klub haqlıdır, niyə rəsmi olmayan xəbərlərə inanaq?!".
Fəqət bu, təkcə Azərbaycanda yox, bütün dünyada qəbul edilmiş etalondur. Ki, insayd xəbərlər – transfer dedi-qoduları rəsmi informasiyadan öncə artıq mətbuatda dolaşır. Bir az da bədiiləşdirsək, mətbuatın dadı-duzu həm də gizli mənbələrdən əldə olunan bu tip xəbərlərlə (reallığa söykənən məlumatlar – red.) oxucuların görüşünə gəlməkdir. Lakin "Neftçi" buna görə mətbuatdan incik düşüb.
Bu gün dünya üzrə bir nömrəli futbol insayderi italiyalı jurnalist Fabrisio Romanodur. Görəsən, "Liverpul", "Real", "Milan" və digər Avropa nəhəngləri transfer edəcəkləri futbolçuların adını, hətta keçidin gününü də öncədən yazan italiyalıya belə qadağa qoyublar?
Ümumiyyətlə, Azərbaycanın ən köklü klubunun belə əndərəbadi bəyanat yayması başadüşülən deyil. Bir sözlə, bu bəyanatı da çempionatın ilk dövrəsində sosial mediada edilən uğursuz paylaşımların yanına "calamaq" olar...
Pressing.az
