Bir neçə gün əvvəl Rusiyanın "Krasnodar" klubunun vingeri Kadi Yuri Borgesin "Qarabağ"a qayıda biləcəyi ilə bağlı xəbər vermişdik.

27 yaşlı braziliyalı Ağdam təmsilçisində icarə əsasında çıxış edə bilər.

Məsələ ilə bağlı Pressing.az-a yeni informasiya daxil olub. Belə ki, Rusiya təmsilçisi "sambaçı" üçün 1 milyon avro icarə haqqı tələb edir.

"Qarabağ"ın bu məbləği qarşı tərəfə ödəyib-ödəməyəcəyi isə hələ ki məlum deyil.

Qeyd edək ki, Kadi 2021/22 mövsümündə "köhlən atlar"ın formasını geyinib. O, bu ilin əvvəlində "Krasnodar"a keçib.

Əlavə edək ki, onun Rusiya klubu ilə 2026-cı ilin 30 iyununadək müqaviləsi var.

Pressing.az