Qurbanov istədi, "Qarabağ" əcnəbi hücumçu almaq üçün hərəkətə keçdi

Azərbaycanı UEFA Çempionlar Liqasında təmsil edən "Qarabağ" qışda heyətini iki yeni futbolçuyla gücləndirəcək.

Pressing.az-ın əldə etdiyi məlumata görə, Ağdam təmsilçisi həm hücum xəttinə, həm də müdafiənin mərkəzinə yeni oyunçular almağı planlaşdırır.

Belə ki, "atlılar"ın baş məşqçisi Qurban Qurbanov rəhbərliyə sözügedən mövqelər üzrə transferlərin zəruri olduğunu bildirib.

"Qarabağ" rəhbərliyi də artıq bu yöndə fəaliyyətə başlayıb. Hər ikisi əcnəbi olan futbolçuların kimliyi ilə bağlı hələlik informasiyamız yoxdur.

Transferlərin isə tezliklə reallaşacağı gözlənilir.

Pressing.az