Azərbaycanı UEFA Çempionlar Liqasında təmsil edəcək "Qarabağ" heyətini genişləndirmək üçün qollarını çırmalayıb.

Ağdam təmsilçisi yerli bazardan maksimum yararlanmaq niyyətindədir.

Pressing.az-a daxil olan informasiyaya görə, "Qarabağ"ın baş məşqçisi Qurban Qurbanov "Sabah"ın sol cinah vingeri Cesse Sekidikanı komandasında görmək istəyir.

28 yaşlı nigeriyalı futbolçunun "bayquşlar"ın heyətindəki parlaq çıxışı mütəxəssisin diqqətini çəkib. Hücumun sol cinahındakı rəqabətsizlik də Qurbanovu qayğılandırır.

Yeri gəlmişkən, Sekidika özü də avrokubokların əsas mərhələsində oynamaq eşqiylə alışıb-yanır.

Lakin nigeriyalının Masazır təmsilçisiylə 1 illik müqaviləsi mövcuddur.

Tərəflər arasında "izdivac" baş tutsa, ağdamlılar futbolçuya illik 500 min dollar məvacib verməyə hazırdır.

Murad
Pressing.az