"Neftçi"nin U-14 komandasında "lipa" qalmaqalı? AFFA araşdırmaya başladı!
AFFA U-14 Liqasında mübahisəli hadisə yaşanıb.
Pressing.az-ın məlumatına görə, 1/8 final mərhələsində “Neftçi” ilə “Turan Tovuz”un eyni yaş qrupundan ibarət komandaları üz-üzə gəlib. İlk oyunda “Neftçi” səfərdə azlıqda qalmasına baxmayaraq, 2:0 hesablı qələbə qazanıb. Cavab qarşılaşması isə 1:1 hesabı ilə başa çatıb və bu nəticə ilə “Neftçi” növbəti mərhələyə vəsiqə qazanıb.
Lakin ilk oyunda “Neftçi”nin heyətində çıxış edən 25 nömrəli Sultan Orucovla bağlı mübahisəli iddialar yayılıb. Belə ki, sosial şəbəkələrdə yayılan məlumatlara əsasən, Orucovun yaşı ilə bağlı şübhələr mövcuddur və onun “lipa” (yəni qeydiyyatdan keçməyən və ya yaşca uyğun olmayan) futbolçu ola biləcəyi iddia olunur. Maraqlıdır ki, Sultan Orucov cavab oyununda iştirak etməyib və “Neftçi”nin rəsmi saytında U-14 komandası üçün yerləşdirilən şəkilli siyahıda da adına rast gəlinmir.
“Turan Tovuz” klubu bu məsələ ilə bağlı artıq AFFA-ya rəsmi şikayət ünvanlayıb. Assosiasiya iddiaları araşdırmağa başlayıb.
Elsevər Muradzadə
Pressing.az-ın məlumatına görə, 1/8 final mərhələsində “Neftçi” ilə “Turan Tovuz”un eyni yaş qrupundan ibarət komandaları üz-üzə gəlib. İlk oyunda “Neftçi” səfərdə azlıqda qalmasına baxmayaraq, 2:0 hesablı qələbə qazanıb. Cavab qarşılaşması isə 1:1 hesabı ilə başa çatıb və bu nəticə ilə “Neftçi” növbəti mərhələyə vəsiqə qazanıb.
Lakin ilk oyunda “Neftçi”nin heyətində çıxış edən 25 nömrəli Sultan Orucovla bağlı mübahisəli iddialar yayılıb. Belə ki, sosial şəbəkələrdə yayılan məlumatlara əsasən, Orucovun yaşı ilə bağlı şübhələr mövcuddur və onun “lipa” (yəni qeydiyyatdan keçməyən və ya yaşca uyğun olmayan) futbolçu ola biləcəyi iddia olunur. Maraqlıdır ki, Sultan Orucov cavab oyununda iştirak etməyib və “Neftçi”nin rəsmi saytında U-14 komandası üçün yerləşdirilən şəkilli siyahıda da adına rast gəlinmir.
“Turan Tovuz” klubu bu məsələ ilə bağlı artıq AFFA-ya rəsmi şikayət ünvanlayıb. Assosiasiya iddiaları araşdırmağa başlayıb.
Elsevər Muradzadə
