Bu gün AFFA İntizam Komitəsinin iclası baş tutub.
Pressing.az xəbər verir ki, iclasda Misli Premyer Liqasının 24-cq turunun oyunlarındakı qayda pozuntuları ilə bağlı qərarlar qəbul olunub.
Misli Premyer Liqasında 24-cü turun “Kəpəz” – “Qəbələ” oyununda qonaq komandanın azarkeşləri tərəfindən oyunun rəsmi şəxslərinin ünvanına kütləvi şəkildə təhqiramiz ifadələrin səsləndirildiyinə, və bu hal cari mövsümdə ilk dəfə yaşandığına görə “Qəbələ"yə xəbərdarlıq edilib.
Misli Premyer Liqasında 24-cü turun “Turan Tovuz” – “Neftçi” oyununda meydan sahiblərinin azarkeşi tərəfindən meydançaya kənar əşya atıldığına görə “Turan Tovuz” 800 manat cərimə edilib.
“Turan Tovuz” – “Neftçi” oyununda meydan sahiblərinin azarkeşləri tərəfindən rəqib komandanın ünvanına kütləvi şəkildə təhqiramiz ifadələrin səsləndirildiyinə və bu hal cari mövsümdə 3-cü dəfə yaşandığına görə “Turan Tovuz” 1000 manat cərimə edilib.
“Turan Tovuz” – “Neftçi” oyununda qonaq komandanın azarkeşlərinin olduğu sektorda sındırılmış 6 ədəd oturacağa görə stadiona dəymiş zərər “Neftçi” tərəfindən ödənilməsinə qərar verilib
Misli Premyer Liqasında 24-cü turun “Səbail” – “Sabah” oyununda meydan sahiblərinin 4 futbolçusu sarı vərəqə aldığına görə “Səbail” 700 manat cərimə edilib.