Xəbər lenti

Azərbaycan futboluna ağır itki üz verib.

Namazovlar nəslinin nümayəndəsi, veteran futbolçu, tanınmış hakim Asif Namazov dünyasını dəyişib.

Pressing.az-a danışan mərhumun qardaşı Asəf Namazov onun gizli insult keçirdiyini və bir ay sonra vəfat etdiyini deyib:

"İnsult keçirmişdi, amma bundan xəbəri olmamışdı. Son bir ay idi ki, özünü pis hiss edirdi. Həmin müddət ərzində bağda qalırdı. Bu ayın 1-i axşam radələrində halı pisləşdi və dünyasını dəyişdi. Namazov qardaşlarından ikincisini də itirdik. Azərbaycan futbolu dedikdə, həm də Eynullayev, Namazov və Cavadov qardaşları yada düşür. Çox az qalmışıq... Görün bu barədə bir kitab çap edilib? Çünki təsadüfi insanlar AFFA-da rəhbər vəzifələr tuturlar və bu məsələlərlə maraqlanan yoxdur. Nə isə, Allah bütün dünyasını dəyişənlərə rəhmət eləsin!".