İranda həbs olunmuş İspaniya vətəndaşı Santiaqo Sançes azadlığa buraxılıb.

Pressing.az "Marca"ya istinadən xəbər verir ki, Qətərdə keçirilən dünya çempionatını izləmək üçün piyada səyahət edən azarkeş 2022-ci ilin oktyabr ayında İran hökuməti tərəfindən heç bir səbəb göstərilmədən həbs olunmuşdu.

Santiaqo ötən gün həbsxanadan azadlığa buraxılıb. O, artıq İspaniya səfərliyinə təhvil verilib. Futbol azarkeşinin bu gün Tehrandan Madridə yola salınacağı gözlənilir.

Santiaqo Sançes İranda kürdlərin yaşadığı Saqez şəhərində Mahsa Əmininin məzarını ziyarət etdikdən və fotolarını çəkdikdən sonra həbs olunmuşdu.

Qeyd edək ki, Əmininin baş örtüyünü düzgün taxmadığına görə əxlaq polisi tərəfindən öldürülməsiİran İslam Respublikasında və dünyanın əksər ölkələrində etirazlara səbəb olmuşdu.