İranda idman tədbirləri ləğv olundu

İranda bu həftə bütün idman tədbirləri ləğv edilib.

Pressing.az xəbər verir ki, ölkə Prezidenti İbrahim Rəisinin ölümü ilə əlaqədar İdman Nazirliyi bu qərarı verib.

İdman Nazirliyinin çempionat və peşəkar idmanın inkişafı üzrə vitse-prezidenti Seyid Məhəmməd Şervin Esbaqiyan "Mehr" agentliyinə açıqlamasında bu barədə məlumat verib. Yarışların yeni tarixi ilə bağlı federasiyaların açıqlama yayacağı bildirilib.

Qeyd edək ki, İran Prezidenti İbrahim Rəisinin də olduğu helikopteri ötən gün Verzeqan şəhəri yaxınlığında sərt eniş edib. Qəzada bütün sərnişinlər və ekipaj üzvləri həyatını itirib.