UEFA Millətlər Liqasının 4-cü turu çərçivəsində keçiriləcək Azərbaycan - Slovakiya matçına hakim təyinatları açıqlanıb.

Pressing.az xəbər verir ki, görüşü Norveçdən olan hakimlər briqadası idarə edəcək.

Referi Rosit Saqqi olacaq. Ona yan xətt hakimləri qismində Morten Yensen və Anders Olav Dale kömək göstərəcəklər. Dördünü hakim funksiyasını isə Siqurd Krinqstad yerinə yetirəcək.

Qeyd edək ki, oktyabrın 14-də Tofiq Bəhramov adına Respublika Stadionunda keçiriləcək matç saat 20:00-da başlayacaq. Komandamız bu gün səfərdə Estoniya ilə üz-üzə gələcək.