"Qarabağ” – “Linkoln” oyununun hakimləri dəyişdirilib
Azərbaycan Futbolu / Çempionlar Liqası
24-07-2024, 12:31
![](/uploads/posts/2024-07/1721809408_qqa.jpg)
UEFA Çempionlar Liqasının 2-ci təsnifat mərhələsinin cavab oyunları çərçivəsində keçiriləcək "Qarabağ” – “Linkoln” (Cəbəllütariq) matçının hakimləri dəyişdirilib.
Pressing.az xəbər verir ki, görüşü Ukraynadan yox, Danimarkadan olan hakimlər briqadası idarə edəcək.
Referi Yakob Sandberq olacaq. Ona yan xətt hakimləri qismində Deniz Yurdakul və Viktor Skitte kömək edəcəklər. Dördüncü hakim funksiyasını Yakob Karlsen yerinə yetirəcək. Yonas Hansen VAR hakimi, Yens Maae onun köməkçisi olacaq.
Sözügedən matç iyulun 30-da Tofiq Bərhamov adına Respublika Stadionunda keçiriləcək və saat 20:00-da başlayacaq.
![](/templates/Red/images/geceden-sehere-billboard-728x90.png)