2026-cı il dünya çempionatının seçmə mərhələsinin D qrupunda Azərbaycanın rəqibi olan İslandiya millisi iyunda keçirəcəkləri yoldaşlıq oyunu üçün ikinci rəqibini müəyyən edib.

Pressing.az xəbər verir ki, onlar Şimali İrlandiyaya qarşı oynayacaqlar. Matç iyunun 10-da Belfastda baş tutacaq. Sözügedən ölkələr tarixdə 6 dəfə qarşılaşsalar da, bunun tərəflər arasında ilk yoldaşlıq görüşünün olacağı qeyd olunur.

Qeyd edək ki, Azərbaycan - İslandiya matçları sentyabrın 5-də və noyabrın 13-də baş tutacaq.