Futbol üzrə DÇ-2026-nın seçmə mərhələsinin İslandiya - Azərbaycan matçının məkanı müəyyənləşib.

Pressing.az xəbər verir ki, bu haqda UEFA-nın rəsmi saytı məlumat yayıb. Bu, hər iki komandanın seçmə mərhələdə ilk oyunu olacaq.

Matç sentyabrın 5-i Reykyavik şəhərindəki “Laugardalsvöllur” arenasında keçiriləcək. Oyun Bakı vaxtı ilə saat 22:45-də başlanacaq.

Həmçinin oxuyun: Azərbaycan - Ukrayna oyunu bu arenada - Rəsmi

İslandiyanın ən böyük stadionu olan bu arenanın 15 min tamaşaçı tutumu var.

Qeyd edək ki, bu gün AFFA seçmə mərhələnin Azərbaycan - Ukrayna matçının sentyabrın 9-da Tofiq Bəhramov adına Respublika stadionunda keçiriləcəyini açıqlayıb.

Milli komandamızın qrupdakı digər rəqibi Fransaya qarşı oyunlarının, eləcə də Ukrayna ilə səfər, İslandiya ilə evdəki matçlarının məkanları isə hələ təsdiqlənməyib.