Klublararası dünya çempionatında final oyunu keçirilib.

Pressing.az xəbər verir ki, həlledici görüşdə İngiltərə "Mançester Siti"si Braziliyanın “Fluminense” komandası ilə qarşılaşıb. "Şəhərlilər" rəqiblərini 4:0 hesabı ilə məğlub edərək mundialın qalibi olublar.

Hesabı 1-ci dəqiqədə Xulian Alvares açıb. 27-ci dəqiqədə “Fluminense”nin oyunçusu Nino avtoqol müəllifi olub. 72-ci dəqiqədə Fil Foden fərqi bir qədər də artırıb. 88-ci dəqiqədə Foden dubl edib və oyunda son nöqtəni qoyub.

Qeyd edək ki, dünya çempionatında 3-cü yeri Yaponiyanın “Urava Red Daymonds” klubunu 4:2 hesabı ilə üstələyən Misir təmsilçisi “Əl-Əhli” tutub.