“Mançester Siti” klubunun baş məşqçisi Xosep Qvardiola rekorda imza atıb.

Pressing.az xəbər verir ki, onun komandası klublararası dünya çempionatının finalında Braziliya “Fluminense”sini 4:0 hesabı ilə məğlub edərək dünya çempionu olub.

Bununla da, Xosep Qvardiola karyerasında 4-cü dəfə klublararası dünya çempionatının qalibi olub. Bu isə rekord deməkdir. O, "Real" ilə 3 dəfə klublararası dünya çempionatını qazanan Karlo Ançelottini qabaqlayıb.