Birləşmiş Ərəb Əmirliklərinin paytaxtı Əbu-Dabi şəhərində cüdo üzrə dünya çempionatı davam edir.

Pressing.az xəbər verir ki, Azərbaycan cüdoçusu Zelim Kotsoyev bu gün bütün rəqiblərini üstələyərək dünya çempionu olub.

100 kq çəki dərəcəsində mübarizə aparan idmançımız 1/16 finalda Yonq Hoon Vonu (Koreya), 1/8 finalda Peter Palçiki (İsrail), 1/4 finalda ikiqat dünya çempionu Nikoloz Şerazadişvili (İspaniya), yarımfinalda Olimpiya bürünc medalçısı, ikiqat dünya çempionu portuqaliyalı Yorqe Fonsekanı (Portuqaliya) məğlub edib. Finalda Kotsoyev Şadi El-Nahası (Kanada) məğlub edərək ilk dəfə dünya çempionu olub.

Kotsoyev İndiyə qədər iki dəfə dünya çempionatının bürünc medalını qazanıb.

Qeyd edək ki, Əbu-Dabidəki dünya çempionatında buna qədər Azərbaycan millisindən Hidayət Heydərov (73 kq) qızıl medal qazanmışdı.