"SKA-Xabarovsk"un əslən Azərbaycandan olan futbolçusu Sadıq Bağıyev Rusiyada komandasını dəyişib.

Pressing.az xəbər verir ki, AFFA-nın da maraq dairəsində olan və millimizə potensial namizəd "Torpedo" ilə anlaşıb.

Həmyerlimiz Moskva təmsilçisi ilə 3,5 illik müqavilə imzalayıb. Artıq keçid rəsmiləşib.

"Torpedo" Bağıyevə görə "SKA-Xabarovsk"a 14 milyon rubl (təxminən 300 min manat) təzminat ödəyib. 21 yaşlı futbolçu 2024-cü il sentyabr ayında "Kuban Holdinq"dən "SKA-Xabarovsk"a keçmişdi.

O, bundan əvvəl "Ekaterinodar", "Spartak"(Tambov) klublarında oynayıb.