FIFA İntizam Komitəsi Seneqal Futbol Federasiyasını 10 min İsveçrə frankı məbləğində cərimələyib.

[b]Pressing.az xəbər verir ki, məlumatı ali futbol qurumunun rəsmi saytı yayıb.

Buna Seneqal millisinin Qətərdə keçirilən dünya çempionatında media ilə bağlı reqlamentin müddəalarını pozması səbəb olub.

Yığmanın oyunçularından heç biri Ekvadora 2:1 hesabı ilə qalib gəldikləri qrup mərhələsinin III tur matçından əvvəl mətbuat konfransına qatılmayıb.

Xatırladaq ki, A qrupunu 6 xalla ikinci sırada başa vuran Afrika təmsilçisi 1/8 finalda İngiltərə ilə üz-üzə gələcək.