"Qarabağ"ın futbolçusu Marko Yankoviç Monteneqro yığmasına dəvət alıb.

Pressing.az xəbər verir ki, bu barədə klubun mətbuat xidməti məlumat yayıb.

Yarımmüdafiəçi yığma komandanın heyətində DÇ-2026-nın seçmə mərhələsində Çexiya və Xorvatiya ilə qarşılaşacaq.

Qeyd edək ki, Monteneqro millisinin Çexiyaya qarşı oyunu 5 sentyabr, Xorvatiyayla matç isə 8 sentyabrda keçiriləcək.