DÇ-2026-nın seçmə mərhələsində növbəti oyunlar keçirilib.

Pressing.az xəbər verir ki, L qrupunda yer alan Monteneqro millisi öz meydanında Çexiyanı qəbul edib.

“Qarabağ”dan Monteneqro yığmasına dəvət alan Marko Yankoviç də bu görüşün iştirakçısı olub. Meydana start heyətində çıxan yarımmüdafiəçi 70-ci dəqiqədə “Yuventus”lu Vasilije Adziçlə əvəzlənib.

Monteneqro yığmasına dəvət alan “Neftçi”nin üzvü Ervin Kuç isə qarşılaşmanı əvvəldən sona kimi ehtiyat oyunçular skamyasından izləyib.

Görüş Çexiya yığmasının 2:0 hesablı qələbəsi ilə başa çatıb.